U3F1ZWV6ZTEwNjczMjMyMTc3X0FjdGl2YXRpb24xMjA5MTI5OTc0NDk=
recent
أخبار ساخنة

حمزة رزقي / بنت إفني




بنت إفني، قصص مغربية بالدارجة2020
بنت إفني قصة مغربية

بنت إفني




واحد البنت أسيدي كنت كنعرفها فسيدي إفني يمات الليسي هادشي باقين براهش ديك الساعات، وكانت كاتعجبني الصراحة ، مشيت عندها أسيدي قلت ليها فلانة بغيت ندير معاك علاقة في الحرام نسأل الله أن يبارك لنا فداكشي، ما قولك إدن فهادشي؟ رفضاتني قالت ليا لا سمح لي خويا ما كنتصحبش وهذا، قلت ليها كلامك هو الكبير، على الراس والعين الله يسر ليك أختي وجبدت ديك ختي مزيااان باش تفهم ، مهم وأنا ندرك زلافتي فالحال، من تم أسيدي تا داز اللي بايدوز وتقضى اللي بيتقضى وأنا تبدالت وكبرت ووليت كنحل عيني على بزاااف تالحوايج، وليت كانطمع كاع وتا انا كنفرق بين بياسة مليحة وبين بياسة شينوا وما إلى ذلك من هاد المنكرات العجيبة، المهم، تال هاد العام أخويا وانا نتلقى مع هاد ختنا فمراكش فجأة من بعد أربع سنين تاع الغيبة، لقيتها دايرة نفس البرونش اللي كنقراه تا انا، ومن المعروف أن ولاد البلاد كلهم كايصفتوهم لإبن زهر، إلا اللي دار philosophie كايصدروه لمراكش، تلاقيت بيها تسالمنا ودوينا ومنها تما مشينا شدينا شيحاجة مانقصيو ، بحكم بنت بلادي وبوحدها اللي دايرة هاد البرونش وأول عام بديت كنشرح ليها ونوريها ما هو أهم فهاد المسلك، صافي شدينا الهضرة هاكا وتا هي طالقة معايا فالبلا بلا وشادة الستون بالهضرة تا صوناو عليا شي دراري، قلت ليها غانخليك عندك التلفون، قالت ليا آه ، بكل عفوية قلت ليها خلي ليا نمرتك إلى خاصك شيحاجة هاني موجود، وهي تقول ليا سمح ليا مي مغاديش نعطيك النمرة، هنا حسيت باللي خيتي باقي ليها ذاك الخرا القديم فراسها ومازال كاتصحبني طامع فيها وذاك التبن الغامل تاع الحبس اللي مكجكج ليها فدماغها، لقيت راسي تحكرت وانا نقول ليها خليتك دراري كيتسناوني، بردت على قلبي قلت زعما مع راسي بنت البلاد وغير بوحدها نديرو معاها مساعدة حبا في الخير وداكشي ساعة ، أودي، زدت فحالي ونسيت كولشي تال واحد نهار كانسمع سميتي، حمزة حمزة ، تلفت لقيتها هي،بتاسمت ليها وخليتها كاتهضر بوحدها وانا كنبتسم، نضحك وندير راسي كانتسنط ليها، ركبنا فالطوبيس وهي مزال كاتهضر وانا غير كانعلق بشي كليمات بساط، وكانوا حداها ديك الساعات شي دريات كاتقرا معاهم الله وعلم ولا ماعرت،مهم غير قربت البلاصة فين بيت نزل وهي تمد ليا تيليفونها قالت ليا قيد ليا نمرتك بغيتك لشيحاجة ، وأنا بلا مانحس فوسط الناس وبلادم قلت ليها بجهدإلى قيدتها ليك أنا ولد الق***، خليت مها مصدومة بحال شي بلاكة غير كاتشوف ماتصورتهاش مني، وأنا نازل مع الدروج فالحقيقة حسيت بواحد الشحنة كداش تفرغت مني ورتاحيت ، وأنا نقول راسي وهكذا يكون رد الإعتبار

الرجال نواع وماشي كولشي عنيبا وشهواني يا بنات الناس














بقلم حمزة رزقي
الاسمبريد إلكترونيرسالة